Юлия Путинцева Париждегі турнирдің ширек финалына шықты
Бүгін, 16:50
Ол украиналық Вероника Подрезді жеңді
Robert Prange/Getty Images
Қазақстандық теннисші Юлия Путинцева Франция астанасы Парижде өтіп жатқан WTA 125 санатындағы турнирдің ширек финалына шықты.
Әлемдік рейтингте 77-орында тұрған Путинцева 1/8 финалда украиналық Вероника Подрезбен кездесті. Матчта қазақстандық спортшы айқын басымдық танытып, қарсыласын екі сетте — 6:4, 6:0 есебімен жеңді. Кездесу 1 сағат 10 минутқа созылды.
Осылайша, Вероника Подрез жарысты аяқтаса, Юлия Путинцева турнирдің ширек финалына шықты. Келесі кезеңде ол франциялық Диан Парри мен Хлоэ Паке арасындағы матч жеңімпазымен кездеседі.
Реклама
Реклама