Үстел теннисінен Қазақстан ерлер құрамасы әлем чемпионатының плей-офф кезеңіне шықты
21.02.2024, 11:40
Бұрын-соңды ұлттық құрама мұндай жетістікке жетпеген
olympic.kz
Қазақстанның үстел теннисшілері Оңтүстік Кореяның Пусан қаласында өтіп жатқан әлем чемпионатында сәтті өнер көрсетіп жатыр деп хабарлады 24.kz.
Отандық спортшылар плей-офф кезеңіне шығып, жарыс сенсациясын жасаған. Финалдық кезеңге шыққан 24 команданың қатарында Қазақстан теннисшілері енді жүлделі орындарға таласады.
Айта кетейік, Қазақстан құрамасы соңғы турда АҚШ-ты 3:1 есебімен жеңіп, топтан екінші орынмен шықты. Команда капитаны Кирилл Герасименко болса 7 ойынның жетеуінде жеңіп, 100 пайыздық нәтиже көрсетті.
Бүгін ұлттық құрама Үндістанмен кездесіп, 1/8 финалдың жолдамасын сарапқа салады.