Александр Зверев алғашқы «Үлкен дулыға» титулына жақындап келеді

Теннистен Франция ашық чемпионатының ерлер арасындағы жекелей сынында тағы бір тосын нәтиже болуы мүмкін. Янник Синнер екінші айналымда жарыстан шығып қалғаннан кейін жартылай финалға жеткен басты фавориттердің бірі – Александр Зверев. Бірақ ол мансабындағы алғашқы «Үлкен дулыға» турнирін жеңіп алу мүмкіндігін пайдалана ала ма? Толығырақ – Қазақстандағы ең танымал букмекерлердің бірі Olimpbet сараптамасында.

Якуб Меншик (Чехия) – Александр Зверев (Германия)

Ролан Гаррос, жартылай финал
5 маусым, 17:30 (Астана уақыты)

Әлемнің үшінші ракеткасы Александр Зверев мансабындағы алғашқы «Үлкен дулыға» титулын жеңіп алуға бұрынғыдан да жақын тұр. Ол Ролан Гарроста жартылай финал кезеңінен тек бір рет – 2024 жылы ғана өткен болатын. Olimpbet сарапшыларының пікірінше, неміс теннисшісі бұл жетістігін қайталап, турнирдің алғашқы финалисі атанады.

Чехиялық феномен: Меншиктің топырақтағы серпілісі

Биылғы Ролан Гаррос әйелдер мен ерлер арасындағы жарыстарда көптеген тосынсый сыйлады. Солардың бірі – 20 жастағы Якуб Меншик. ATP рейтингінде 27-орында тұрған чех теннисшісі бұған дейін негізінен хард жабындысындағы ойыншы ретінде танылған еді.

Алайда Парижде Меншик өзін әмбебап спортшы ретінде көрсетті. Ол топырақ кортында күтпеген төзімділік танытып, қуатты сервисімен қатар форхенд пен бэкхенд соққыларын жоғары деңгейде орындауда.

Турнир барысында ол рейтингте өзінен жоғары тұрған Алекс де Минаурды (0:6, 6:2, 6:2, 6:3) және Андрей Рублевті (6:3, 7:6 (8:6), 4:6, 2:6, 6:3) жарыстан шығарып, топырақта ұзақ матчтарға төтеп беріп қана қоймай, тактикалық тұрғыда да қарсыластарын ұта алатынын дәлелдеді. Ширек финалда ол Жуан Фонсеканы 6:4, 6:3, 7:6 (7:3) есебімен жеңді.

Зверев қарсыластарын байқамай келеді

29 жастағы Александр Зверев – Ролан Гарростың басты фавориті. Әлемнің екінші ракеткасы Карлос Алькарас турнирге қатысқан жоқ, ал рейтинг көшбасшысы Янник Синнер екінші айналымда жарыстан шығып қалды.

Неміс теннисшісіне түскен турнирлік жол да салыстырмалы түрде жеңіл болды. Тек үшінші айналымда ғана ол Кентен Галиді жеңу үшін төрт сет ойнады. Қалған қарсыластарын үш сетте сенімді түрде ұтты.

Жартылай финалға шығу жолында Зверев 19 жастағы Рафаэль Жодарды 7:6 (7:3), 6:1, 6:3 есебімен жеңді. Ол сәуір айынан бері топырақта ойнап келеді және осы аралықта бірнеше титулдық мүмкіндікті жіберіп алғанымен, Ролан Гаррос алдында қателіктерімен жақсы жұмыс істегені байқалады. Парижде Александр өз сервисінде ұпайларды оңай жинап, қорғаныста және артқы сызықтағы ойында жоғары деңгей көрсетуде.

Сенсация бола ма?

Olimpbet сарапшыларының болжамынша, Ролан Гарростың алғашқы финалисі Александр Зверев болады. Оның Меншикке бірде-бір сет бермеуі де әбден мүмкін.

Маттео Арнальди (Италия) – Флавио Коболли (Италия)

Ролан Гаррос, жартылай финал
5 маусым, 22:00

Биылғы Ролан Гарростың тағы бір тосынсыйы – Янник Синнерсіз өтетін италиялық жартылай финал. Olimpbet сарапшылары рейтингте қарсыласынан 90 орын жоғары тұрған Флавио Коболлидің жеңісіне көбірек сенеді.

Сенсациялық қайта өрлеу: Арнальди өз орнын қайтаруда

Бір кездері Маттео Арнальди әлемнің үздік 30 теннисшісінің қатарына кіріп, болашағынан зор үміт күттірген спортшы саналатын. Кейін ол тіпті алғашқы жүздіктен де шығып қалды.

Қазір 25 жастағы италиялық ATP рейтингінде 104-орында тұр. Бірақ Париждегі ойынымен бұрынғы деңгейіне қайта оралуды көздейтінін көрсетті.

Маусым басы Маттео үшін сәтсіз өтті – ол ATP турнирлерінде көбіне алғашқы айналымнан аса алмады. Сондықтан оның жартылай финалға шығуы көпшілік үшін күтпеген жағдай болды.

Ширек финалда оған сәттілік те серік болды. Оның қарсыласы әрі отандасы Маттео Берреттини алғашқы сетті жеңіп (7:5), екінші сетте де алда келе жатқанда (5:2) матчты жалғастырудан бас тартты.

Коболли әлемдік үздік ондыққа бір қадам қалды

24 жастағы Флавио Коболли ATP рейтингінде 14-орында тұр. Бірақ Ролан Гарростағы табысының арқасында келесі аптада алғаш рет әлемнің үздік он теннисшісінің қатарына енеді.

Ширек финалда ол мансабында алғаш рет «Үлкен дулыға» турнирінде топ-10 ойыншысын жеңді. Әлемнің алтыншы ракеткасы Феликс Оже-Альяссимді төрт сетте 4:6, 6:4, 6:4, 6:4 есебімен ұтты.

Флавио – Италияның екінші ракеткасы. Ол биылғы маусымда топырақта жақсы өнер көрсетіп жүр. Сәуір айында Мюнхендегі турнирдің финалына дейін жеткен болатын.

Финалда Италия атынан кім ойнайды?

Бұл теннисшілердің рейтингтері ғана емес, турнирдегі жолдары да әртүрлі болды. Арнальди соңғы матчында ғана қарсыласының бас тартуына байланысты тай-брейксіз жеңіске жетті. Ал бұған дейінгі кездесулерінің барлығы төрт немесе бес сетке созылған.

Olimpbet сарапшылары бұл жартылай финалда Коболли жеңіске жетеді деп есептейді, өйткені ол физикалық тұрғыдан азырақ шаршаған. Сонымен қатар матчтың жалпы ұзақтығы 38 геймнен аз болуы ықтимал.