Соня Жиенбаева Испаниядағы ITF W35 турнирінің финалына шықты
Бүгін, 09:58
Жұптық сында финалға, жекелей сында ширек финалға өтті
KTF
Қазақстандық теннисші Соня Жиенбаева Испанияның Виго қаласында өтіп жатқан ITF W35 турнирінің жұптық разрядында финалға жолдама алды.
Жиенбаева ресейлік Екатерина Яшинамен бірге жартылай финалда марокколық Ясмин Каббадж бен қытайлық Юйфэй Рэнь жұбына қарсы ойнады. Кездесу тартысты өтіп, қазақстандық-ресейлік дуэт 3:6, 6:2, 17:15 есебімен жеңіске жетті. Матч бір жарым сағатқа созылды.
Бұл екі жұптың арасындағы алғашқы кездесу болды.
Енді Жиенбаева мен Яшина турнирдің шешуші матчында испаниялық Виктория Гомес және нидерландтық Аранча Рус жұбына қарсы ойнайды.
Айта кетейік, Соня Жиенбаева бүгін жекелей сында да сәтті өнер көрсетіп, ширек финалда Беларусь өкілі Дарья Хомутянскаяны жеңді.
Реклама
Реклама