Елена Рыбакина әлемдегі ең көп табыс табатын 10 теннисшінің қатарына енді

Әлемнің екінші ракеткасы – қазақстандық Елена Рыбакина Forbes есебі бойынша әлемдегі ең көп табыс табатын он теннисшінің қатарына енді.

Соңғы 12 айда Рыбакина 17,4 млн доллар табыс тапқан. Осылайша Forbes журналының рейтингінде ол оныншы орынға көтерілді. Бұл қаражаттың 11,4 миллионын теннисші жарыстарда көрсеткен нәтижесі үшін алса, қалған 6 миилион долларды демеушілер мен жарнамалық контрактілер есебінен иемденген.

Рейтингтегі алғашқы он теннисшінің тізімі төмендегідей:

1. Янник Синнер (Италия) — $58 млн
2. Карлос Алькарас (Испания) — $53,7 млн
3. Серена Уильямс (АҚШ) — $40,1 млн
4. Арина Соболенко — $36,1 млн
5. Коко Гофф (АҚШ) — $35,5 млн
6. Новак Джокович (Сербия) — $32 млн
7. Чжэн Циньвэнь (Қытай) — $22,6 млн
8. Ига Швёнтек (Польша) — $20,5 млн
9. Александр Зверев (Германия) — $18,7 млн
10. Елена Рыбакина (Қазақстан) — $17,4 млн

Айта кету керек, аталған рейтинг соңғы 19 жылдан бері жүргізіліп келеді. Осы уақыт аралығында биыл алғаш рет тізімдегі әйелдер саны ерлерден асып түсті.