Мадридтегі WTA 1000 турнирін поляк Ига Швентек жеңіп алды
Финалдық матч әлемнің бірініш мен екінші ракеткалары арасында өтті
Испания астанасында аяқталған WTA 1000 турнирін әлемнің бірінші ракеткасы – польшалық Ига Швентек жеңіп алды. Тартысты өткен кездесуде ол беларусь қызы Арина Соболенконы жеңді, есеп – 7:5, 4:6, 7:6 (9:7).
Айта кетейік, Швентек әлемдің рейтингте бірінші орында тұрса, Соболенко екінші сатыда.
Екеуара кездесу 3 сағат 12 минутқа созылды. Беларусь теннисшісі осы уақытта 5 брейк-пойнт және 4 эйсті сәтті жүзеге асырса, қарсыласы да 5 брейк-пойнт және екі эйсті еншісіне жазды.
Мадридтегі осынау турнирді Соболенко бұған дейін екі рет жеңіп алған. Ал, әлемнің бірінші ракетасы Швентек болса алғаш рет жеңімпаз атанып отыр. Былтыр да екеуі осы жарыстың финалында кездесіп, ол кезде Соболенко 3:6, 6:3, 3:6 есебімен басым түскен.
Бұл Ига Швентектің 20-шы титулы және WTA 1000 санатындағы тоғызыншы кубогі.
Еске салайық, аталған турнирде өнер көрсеткен қазақстандық Елена Рыбакина жартылай финалда Арина Соболенкодан жеңіліп қалды.