Зарина Дияс Жапония турнирін сәтті бастады

Үлкен спорттан үзіліс алып, қайта оралған Зарина Дияс Жапонияда басталған ITF W75 турниріндегі алғашқы кездесуінде жеңіске жетті. 

Отандасымыз бұл турнирдің алғашқы айналымында әлемнің 410-ракеткасы Сакура Хосогимен өзара мықтыны анықтап, 2:1 есебімен басым түсті. 

Алғашқы партияда Зарина 6:4 нәтижесімен алға шықты. Алайда, екінші сетте жапон теннисшісі басымдыққа ие болып, 6:3 есебін тіркеді.

Ал, үшінші кезеңде Зарина Дияс 7:6 (7:2) нәтижесімен жеңіске жетіп, екінші айналымға өтті.

Енді ол 1/8 финалда әлемдік рейтингте 214-орында тұрған Таиланд теннисшісі Мананчэйа Савангкаевмен шеберлік байқасады.