Елена Рыбакина «Ролан Гарростағы» келесі қарсыласы әйгілі теннисшіні оңай жеңді
29.05.2024, 10:43
Қазақстандық теннисшінің соңғы кездесуден кейін журналистермен болған кездесуі БАҚ-та қызу талқыланып жатыр
WTA
Қазақстанның бірінші, әлемнің 4-ракеткасы Елена Рыбакинаның «Ролан Гаррос» турниріндегі келесі қарсыласы анықталды.
Отандасымыз 1/32 финалда әлемнің 50-ракеткасы Нидерланды теннисшісі Аранча Руспен жолығады. Қарсыласы бұған дейін неміс Анжелика Кербердің осал тұсын тапты.
Кербер 2016-2018 жылдары үш бірдей «Үлкен дулыға» турнирінде топ жарып, әлемдік рейтингте көш бастаған еді. Нидерланды теннисшісі атақты қарсыласын екі сетте оңай ұтты.
Ал, Елена Рыбакина алғашқы айналымда дүниежүзілік рейтингіде 85-орында тұрған бельгиялық Гретье Минненді 6:2, 6:3 есебімен жеңді.