Зарина Дияс Уимблдонда сенсация жасады
26.06.2024, 22:59
30 жастағы Дияс әлемдік рейтингте 967-орында тұр
ktf.kz
Қазақстандық теннисші Зарина Дияс Лондонда өтіп жатқан Ұлыбританияның ашық біріншілігінің (Уимблдон) іріктеуінде екінші матчын өткізді.
Қазақстандық спортшы америкалық теннисші Сачия Викеримен кездесіп, үш сет қорытындысы бойынша жеңіске жетті – 3:6, 7:5, 7:5. Ойын 2 сағат 17 минутқа созылды. Осылайша, жарақатына байланысты ұзақ үзілістен соң Зарина өз бабына ене бастағанын аңғартты.
Айта кетейік, 30 жастағы Дияс жекелей сында Әйелдер теннис қауымдастығының (WTA) әлемдік рейтингінде 967-орында тұр. Ал оның қарсыласы Викери 138-сатыда тұрған.