АҚШ чемпионатында қазақстандық 5 теннисші іріктеу кезеңдерінде сынға түседі
Бүгін Нью-Йорк қаоасында АҚШ ашық чемпионатының іріктеу турнирі басталады
Үлкен теннистен АҚШ-тың ашық біріншілігіне қатысатын Қазақстан спортшылары анықталды. US open үлкен дулыға турнирінің іріктеу кезеңдерінде еліміздің 5 теннисшісі сынға түседі.
Олардың қатарында әлемнің 121-ракеткасы, 36 жастағы Михаил Кукушкин 142-орында тұрған аргентиналық Марко Трунгеллитиге қарсы ойын өткізеді. Ал әлемдік рейтингте 184-ракетка саналатын Денис Евсеев 215-сатыдағы эквадорлық Альваро Гильен Месамен шеберлік байқасады.
Сондай-ақ, 187-орындағы Дмитрий Попко әлемнің 96-ракеткасы, тағы бір аргентиналық Тьяго Агустин Тирантемен өзара мықтыны анықтайды. Бұдан бөлек, Тимофей Скатовтың (№192) қарсыласы аргентиналық Факундо Багнис (№129) болмақ.
Ақтау теннис мектебінің түлегі Бейбіт Жұқаев (№218) швейцариялық Марк-Андреа Хюслермен (№205) ойын өткізеді. Әйелдер арасында рейтингте 580-орындағы Зарина Дияс қытайлық, әлемнің 209-ракеткасы Есинь Мамен кездеседі деп күтіліп отыр.