«Легионер емес»: қазақ теннисшісі Жібек Құламбаева Аргентинадағы турнирде топ жарды
21.09.2024, 23:02
Финалдық кездесу аса тартысты өтіп, супер тай-брейкте шешілді
Қазақстан теннис федерациясы
Қазақстандық теннисші Жібек Құламбаева италиялық Николь Фосса Уэргомен бірге Аргентинаның Сан-Мигель қаласында өткен ITF санатындағы турнирде топ жарды.
Құламбаева мен Уэрго жұбы финалда Мария Паулина Гарсия (Колумбия) мен Аврора Зантедешиді (Италия) жеңді. Бірінші партия 6:3 есебімен аяқталса, екінші кезеңде 4:6 есебімен есе қайтарды.
Жеңімпаз супер тай-брейкте анықталды. Бұл жолы 10:7 есебімен Қазақстан/Италия жұбы үздік шықты.
24 жастағы Жібек Құламбаева жекелей сында «Үлкен дулыға» санатындағы турнирлердің негізгі кезеңіне әлі қатыспаған. WTA рейтингінде жекелей санатта 382-орында тұр.
Жарнама
Жарнама