Елена Рыбакинаның жаңа бапкері туралы мәлімет пайда болды

Елена Рыбакинаның Х әлеуметтік желісіндегі Sebastien G деп аталатын жанкүйерлер парақшасы отандық теннисшінің жаттығуынан үзінді жариялады. Бұл күндері Елена Эр-Риядта (Сауд Арабиясы) өтетін WTA қорытынды турниріне дайындық жүргізіп жатыр.

«Елена Рыбакинаның Дубайдағы соңғы жаттығуларының бірі, сонан соң ол осы демалыс күндері Эр-Риядқа аттанады. Еленаның жанында тұрған бапкері болса керек», – делінген видеоның жазбасында.

Естеріңізде болса, тамыз айында Елена Рыбакина бірнеше жыл бойы жұмыс істеген бапкері Стефано Вуковпен жұмысын тоқтатты. Дегенмен әлі күнге дейін қазақстандық теннисшінің жаңа бапкерінің есімі белгісіз. Сондай-ақ Рыбакина тамыздан бері жарыстарға қатысқан жоқ.