Қазақстанның бірінші ракеткасы Париждегі турнирден шығып қалды

Қазақстанның бірінші, әлемнің 33-ракеткасы, 27 жастағы Александр Бублик Париждегі «Мастерс» турнирін аяқтады.

Александр Бублик 1/8 финалға шығу үшін әлемнің 13-ракеткасы, даниялық Хольгер Рунеге қарсы ойында жеңіліс тапты.

Матч 6:4, 6:2 есебімен скандинавиялық теннисшінің пайдасына аяқталды. Қарсыластар кортта 1 сағат 10 минут өткізді. Бублик 9 эйс жасады, 10 қос қате жіберіп, бірде-бір брейк-пойнтты жүзеге асыра алмады. Елдің бірінші ракеткасы жарыстан шығып қалған соң, Париждегі «Мастерс» турнирінің жеке сеткасында Қазақстан өкілдері қалған жоқ. Дегенмен, Бублик жұптық разрядта ресейлік Карен Хачановпен бірге өнер көрсетеді.