Елена Рыбакина қатарынан екінші матчта жеңіліп қалды
Олимпиада ойындарынан бері оның жолы болар емес
Эр-Риядта (Сауд Арабиясы) WTA-ның қорытынды турнирі өтіп жатыр. Қазақстанның бірінші ракеткасы Елена Рыбакина топтық кезеңде тағы да жеңілді. Бұл жолы ол үш сетте әлемнің жетінші ракеткасы – қытайлық Чжэн Циньвэньге есе жіберді. Қорытынды есеп - 6:7, 6:3, 1:6.
Өткен аптада отандасымыз италиялық Ясмин Паолиниден ұтылған болатын.
Топтық кезең аясында Елена Рыбакина енді Беларусь қызы Арина Соболенкомен (әлемдік рейтингте 1-орын) кездеседі.
Айта кетейік, Рыбакина тамыз айының соңынан бері кортқа шыққан жоқ. Естеріңізде болса, ол АҚШ Ашық біріншілігінде денсаулығына байланысты бірінші айналымнан соң-ақ жарысты жалғастырудан бас тартқан болатын.
Жалпы, рыбакинаның Париж Олимпиадасында Қазақстан атынан ойнаудан бас тартқалы бері жолы болар емес.