«Туған күніме келмейсің»: Юлия Путинцева құрбысы Арина Соболенкоға ренжіген

Қазақстандық теннисші Юлия Путинцева (№29) Брисбендегі WTA 500 турнирінде беларусь Арина Соболенкодан жеңіліп қалғаннан кейін, оған ренжіп қалған. Бұл туралы соболенконың өзі «Чемпионат» тілшісіне берген сұхбатында айтты.

Путинцева мен Соболенко кортта қарсылас болғанымен өмірде жақын құрбылар.

«Құрбыңа қарсы ойнау өте қиын. Бірақ, біз екеуміз де кортқа жеңеміз деп шығамыз. Өмірде дос болғанымызбен, кортта қарсыласпыз. Ол мені келесі жұмада болатын туған күніне шақырған. Ал, матчтан кейін: «туған күніме келмейсің» деп айтып кетті. Мен оған: «міндетті түрде келемін және маған ренжімеуің үшін жақсы сыйлық әкелемін» деп жауап қайтардым», - дейді Соболенко.

Айта кетейік, Арина Соболенко – әлемдік рейтингте бірінші орында тұрған теннисші. Ол Путинцевамен Брисбендегі турнирдің 1/8 финалында кездесіп, 7:6(2), 6:4 жеңді.

Қазақстанның екінші ракеткасы саналатын Юлия Путинцеваның туған күні 7 қаңтарда. Ол биыл 30 жасқа толады. Теннисші қыз Ресей тумасы, 2012 жылы Қазақстан азаматтығын алып, біздің елдің атынан жарыстарға қатысып жүр.