Александр Шевченко Australian Open турнирінің алғашқы айналымында жеңілді

Әлемнің 77-ракеткасы, қазақстандық Александр Шевченко Australian Open турнирінің бірінші кезеңінде сүрінді. Ол әлемнің 3-ракеткасы, «Үлкен дулыға» турнирінің төрт дүркін чемпионы испаниялық Карлос Алькараспен кездескен болатын.

Отандық теннис шебері испан ойыншысымен 2023 жылы Мадрид мастерс турнирінде шеберлік байқасып, сол жолы Алькарас 2:0 (6:2, 6:1) есебімен жеңген болатын.

Биылғы сында Шевченко барын салғанымен, Алькарас 3:0 (6:1, 7:5, 6:1) есебімен келесі айналымға шықты.

Александр Шевченко былтырғы жылы да Australian Open турнирінің алғашқы айналымында есе жіберген еді.