Australian Open: Елена Рыбакина америкалық теннисшіден жеңіліп, жарысты аяқтады
Қазақстанның теннисшілері түгел жеңілді
Қазақстанның бірінші ракеткасы Елена Рыбакина (№7) Australian Open турнирінің ширек финалына шыға алмады. Америкалық теннисші Мэдисон Кизбен (№14) 1/8 финалда кездескен отандасымыз 3:6, 6:1, 3:6 есебімен жеңілді.
Алғашқы сетті сылбыр бастаған қазақстандық теннишсі екінші сетте қарсыласын ойсырата жеңген. Дегенмен, шешуші кезеңде Мэдисон Киз екі рет брейк жасап, жеңісті жұлып алды.
Матч 1 сағат 50 минутқа созылған. Екі теннисші де төрт-төрттен эйс және алты-алтыдан дабл-фол жасаған. Бұл екеуінің арасындағы бесінші кездесу. Оның үшеуінде Киз жеңсе, екеуі Рыбакинаның еншісінде.
Осылайша, Қазақстан теннисшілері түгел Australian Open турнирін аяқтады. Ерлер арасында Александр Бублик пен Александр Шевченко жарысты бірінші айналымнан аяқтаса, Юлия Путинцева үшінші айналымнан ары аса алмады.