Александр Шевченко Ролан Гаррос турниріне іріктеу бәсекесін сәтті бастады
Ол француз өкілі Кальвин Эмериден басым түсті
Қазақстандық теннисші Александр Шевченко Бордода Францияның ашық чемпионатына іріктеу бәсекесін сәтті жалғастыруда.
Бүгін кортқа шыққан ол әлемдік рейтингте 176-орында тұрған француз өкілі Кальвин Эмериден 2:0 (6:3, 6:4) есебімен басым түсті.
Александр Шевченко турнирдің алғашқы айналымында жапониялық Шинтаро Мочизукиден басым түскен еді. Кездесу 2:1 нәтижесімен аяқталып, шешуші сәтте отандасымыз сенімді түрде жеңіске жетті.
Бүгін іріктеу бәсекесінде қазақстандық Тимофей Скатов Алибек Качмазовпен сынға түседі. Сондай-ақ, Михаил Кукушкин франциялық Жоффри Бланканомен шеберлік байқасады. Әйелдер арасында Францияның ашық чемпионатының іріктеу бәсекесінде қазақстандық теннисшілер сынға түспейді.
Бұдан бөлек, әлемдік рейтингте 12-ші орында тұрған Елена Рыбакина бүгін Страсбург турнирінде қытайлық Ван Синьюймен кездеседі.