Алғаш рет қазақ баласы Уимблдонның негізгі кезеңінің қатысушысы атанды
26.06.2025, 21:45
Ол «Үлкен дулыға» турнирінің негізгі себетінде алғаш рет өнер көрсетпек
ҰОК
Ақтаулық теннисші Бейбіт Жұқаев Ұлыбританияның ашық чемпионаты – Уимблдон турнирінің негізгі кезеңіне жолдама алды. Ол «Үлкен дулыға» турнирінің негізгі себетінде алғаш рет өнер көрсетпек.
Іріктеу финалында Бейбіт Жұқаев (әлемдік рейтингтегі орны – 251) Луку Павловичті (239) 3:6, 6:3, 6:2, 7:6 есебімен жеңді.
Уимблдон турнирінің негізгі кезеңіндегі жеребе жұма күні таңертең өтеді.
Бейбітпен қатар негізгі кезеңде Александр Бублик, Юлия Путинцева, Елена Рыбакина, Александр Шевченко және Анна Данилина да бақ сынайды.