Қазақстандық Әмір Омарханов Australian Open турнирінің ширек финалына шықты
24.01.2024, 09:50
Қарағандылық теннисшінің келесі қарсыласы – Нидерланды өкілі Мец Ротгеринг
Қазақстан теннис федерациясы
Теннистен жасөспірімдер арасындағы Аустралияның ашық біріншілігінде 16 жастағы қазақ Әмір Омарханов жарыстың ширек финалына шықты.
1/8 финалда ол оңтүстіккореялық Ким Чанджунды 6:3, 5:7, 6:0 есебімен жеңіп, турнир сенсациясын жасады. Матч 1 сағат 36 минутқа жалғасты.
Омархановтың келесі қарсыласы – Нидерланды теннисшісі Мец Ротгеринг. Олар жартылай финалға жолдаманы 25 қаңтарда сарапқа салады.