Таразда қазақ күресінен ел чемпионаты басталды

Таразда қазақ күресінен ересектер арасында Қазақстан чемпионаты басталды. «Тараз-Арена» спорт кешенінде өтіп жатқан бәсекеде Астана, Алматы және Шымкент қалалары мен 17 облыстан келген 450-ден астам балуан белдесіп жатыр.

Бұл сында балуандар 16 салмақ дәрежесінде бақ сынамақ.

Аталған чемпионат КСРО-ның және Қазақстанның еңбек сіңірген жаттықтырушысы, Жамбыл облысының Құрметті азаматы Марат Жақыттың 80 жылдық мерейтойына орайластырылып ұйымдастырылған.

Белгілі бапкер Марат Жақыт 20 жыл Қазақстан, 10 жыл КСРО құрамасын жаттықтырып, спортқа зор еңбек сіңірген маман. Ол 2 еңбек сіңірген спорт шеберін, 25 халықаралық дәрежедегі спорт шеберін, 130 спорт шеберін дайындап шығарды.