Абат Айымбетов ереже бұзып, өз командасының жеңілуіне себепкер болды

10.02.2024, 12:44

«Адана Демирспор» Абат Айымбетовпен қатарынан екі матчта жеңілді

Абат Айымбетов ереже бұзып, өз командасының жеңілуіне себепкер болды
sports.kz

Футболдан Түркия суперлигасының кезекті туры аясында «Адана Демирспор» өз алаңында «Касымпаша» клубын қабылдап, 1:3 есебімен жеңіліп қалды.

Алаң иелері сапында қазақстандық шабуылшы Абат Айымбетовтің ойнайтынын айта кету керек. Кешегі матчта жерлесіміз гол соға алған жоқ, керісінше өз қақпасына гол кіруге себепкер болды. Ол екінші таймда өз айып алаңында ереже бұзып, төреші пенальти белгіледі. Айып добын Харис Хайрадинович дәл орындап, есепті 0:3-ке жеткізді. Бірінші таймда қонақтар алаң иелеріне жауапсыз екі гол соққан болатын.

Осы пенальтиден кейін «Адана Демирспордың» бас бапкері Абат Айымбетовті ойыннан алып тастады. Ал, 87-минутта Абаттың командаласы әйгілі Марио Балотелли гол соғып, есепті 1:3-ке дейін қысқарта алды.

Айта кету керек, «Касымпаша» турнир кестесінің төртінші сатысында келеді. Ал, «Адана Демирспор» болса 31 ұпай жинап, тоғызыншы орынға жайғасқан.

Бұл туралы не ойлайсыз?
Ұнайды 4
Ұнамайды 26
Күлкілі 4
Ашулану 13
×
Жаңалықтар Футбол Хоккей Бокс MMA Теннис Баскетбол Ұлттық спорт
Марат Достаевпен Подкаст. Неге ҚФФ Медиалигаға тыйым салмайды?