![Kaspi.kz иесі Михаил Ломтадзе Англияның футбол клубын сатып алды](https://1bol.kz/cache/imagine/1200/uploads/news/2024/05/05/6637873796477130559400.png)
Клуб үшінші дивизионда өнер көрсетеді
Қазақстандық миллиардер Михаил Ломтадзе Англияның «Уиком Уондерерс» клубы акцияларының бақылау пакетін сатып алды деп хабарлады SPORT+.
Клубтың ресми өкілдігі хабарлағандай, Англия футбол лигасы рұқсат бергеннен кейін Михаил Ломтадзе, Эдуард Вышняков және Дэн Райс клубтың Директорлар кеңесінің құрамына енген.
Сондай-ақ, аталған хабарламада айтылғандай, Ломтадзе иелік ететін Blue Ocean Partners II Limited компаниясына «Уиком Уондерерс» клубы акцияларының 90% тиесілі.
Айта кетейік, «Уиком» клубы Англия чемпионатының үшінші дивизионында өнер көрсетеді. Клубтың ең жоғары нәтижесі – Англия кубогінің жартылай финалы (2000/01 жж).