Ол қазір жаңа турнирге қызу дайындалып жатыр
Жапония сумо федерациясы сумошылардың рейтингісін жаңартты. Сондай-ақ, наурыз айының 9-23 күндер аралығында Осака қаласында өтетін Хару бащё турниріне қатысатын балуандардың тізімін жариялады.
Жаңартылған рейтингте кәсіпқой элиталы сумоның ең жоғарғы Макучи дивизионында Кинбозан Харуки атымен бақ санайтын қазақстандық Ерсін Балтағұл Maegashira-5 дәрежесіне көтерілді. Ол қаңтар айындағы Хацу бащёны турнирінде Maegashira-14 дәрежесімен күрескен. Ал, қаңтар айындағы Хацу бащё турнирін 3-орынмен аяқтаған.
Ерсін Хару бащёда әр жеңіс үшін күресемін деді.
«Қаңтар айындағы Хацу бащёда өзімнің мүмкіндігімді аз болса да көрсеткендей болдым. Ол кездегі нәтижеге мән бермей тек алға жылжу жағын ойлаймыз. Әр күн сайын жеңіс үшін күресемін. Сол үшін жұмыс істеп жатырмын», - деді Ерсін Балтағұл.
Айта кетейік, Ерсін Хацу бащёда жоғары нәтиже көрсеткені үшін «Жаужүрек жауынгер» номинациясымен марапатталған болатын.
