Моңғолиядағы Гранд Слэмге қатысатын қазақстандық дзюдошылар анықталды

Ақерке Өмірхан

Автор

Бүгін, 00:16

Олардың қатарында бірінші номерлі балуандар жоқ

Моңғолиядағы Гранд Слэмге қатысатын қазақстандық дзюдошылар анықталды

IJF

Ұлан-Батырда (Моңғолия) 25-27 шілде аралығында дзюдодан жылдың кезекті Гранд-Слэм турнирі өтеді. Халықаралық дзюдо федерациясының (IJF) мәліметіне сәйкес, аталған жарыста Қазақстан атынан 8 спортшы бақ сынайды.

Моңғолия астанасына аттанатын команда сапында Астана Грант-слэмінде күміс жүлдегер атанған Талғат Орынбасар бар.

Ерлер құрамасы:

-60 Талғат Орынбасар
-60 Нұрәділ Әлжан
-66 Ержан Эренгайыпов
-66 Бауыржан Нарбаев
-73 Саят Сейтқалиев
-81 Мейіржан Жұмабек
-90 Ермахан Ануарбеков

Қыздар құрамасынан жалғыз ғана Толғанай Абеуова (-52 кг) бақ сынайды.

Естеріңізге салсақ, соңғы рет Астанада өткен Гранд Слэм турнирінде қазақстандық дзюдошылар 3 күміс, 6 қола жүлдемен командалық есепте 9-орынға тұрақтаған еді.