Осылацша Рыбакина 107 000 доллар табыс пен 215 рейтингілік ұпай еншіледі
Қазақстанның бірінші ракеткасы Елена Рыбакина Монреальдағы (Канада) WTA 1000 санатындағы турнирдің ширек финалына жолдама алды. Ол 1/8 финалдағы матчта украиналық Даяна Ястремскаяны үш сетке созылған тартысты ойында 5:7, 6:2, 7:5 есебімен жеңіп шықты.
Матч 2 сағат 33 минутқа созылды. Қарсыласынан бірінші сетте жеңіліп қалған Рыбакина кейінгі сеттерде басымдық танытып, матчты өз пайдасына аяқтай алды. Жеңісінен кейін кортта сұхбат берген теннисші бұл кездесудің маңызын атап өтті:
«Бұл мен үшін өте маңызды жеңіс. Даянамен ойнау қиынға соқты. Ол өте жақсы өнер көрсетті. Жеңіске жеткеніме қуаныштымын, келесі матчты асыға күтемін», — деді Елена.
Ширек финалда Рыбакина тағы бір украиналық теннисші Марта Костюкпен кездеседі.
Айта кетейік, Монреаль турнирі 27 шілде мен 7 тамыз аралығында өтіп жатыр. Жалпы жүлде қоры — 5,15 миллион доллар. Бұл кезеңге шыққаны үшін Рыбакина 107 000 доллар табыс пен 215 рейтингілік ұпай еншіледі. Ал турнир жеңімпазы 752 275 доллар мен 1000 ұпай алады.
Астана
Кайрат
Ордабасы
Актобе
Тобол
Елимай
Окжетпес
Кызылжар
Туран
Кайсар
Жетысу
Женис
Улытау
Атырау
