Әлем чемпионына іздеу жарияланды
Боксшы 31 кездесу өткізген.
Жеңіліс көрмеген америкалық боксшы, бірден үш салмақ дәрежесі бойынша әлем чемпионы атанған Джервонта Дэвис даудың ортасында қалды.
Майами-Дейд округінің полициясы атақты спортшыға ресми түрде іздеу жариялап, оны қамауға алу жөнінде ордер берген.
Құқық қорғау органдарының мәліметінше, Дэвис бұрынғы сүйіктісі Кортни Росселді соққыға жықты және оны ұрлауға әрекет жасады деген күдікке ілінген. Оқиға 2025 жылдың 27 қазанында болған.
Тергеу деректеріне сүйенсек, боксшы Майами-Гарденс қаласындағы ерлер клубына кіріп барған. Ол жерде Россел VIP-аймақта даяшы болып жұмыс істеген. Бейнебақылау камералары жоқ қосалқы бөлмелердің бірінде Дэвис қызға қол көтеріп, кейін оны күштеп қызметтік есік арқылы сыртқа шығарып, автотұрақта ұрып-соққан.
Полиция бейнебақылау жазбаларын тексеріп, олардың жәбірленушінің сөзін растайтынын мәлімдеді.
31 жастағы Дэвис мансабында 31 кездесу өткізіп, соның 30-ында жеңіске жетсе, біреуін тең аяқтаған. Өзінің соңғы ресми жекпе-жегін ол 2025 жылғы наурызда отандасы Ламонт Роучпен өткізіп, кездесуде тең нәтиже тіркелді.