«Странджа» турнирі: Қазақстан боксшыларының қарсыластары анықталды

23 ақпанда Болгария астанасы София қаласында бокстан 77-ші халықаралық «Странджа» турнирі басталады. Дәстүрлі дода 2 наурызға дейін жалғасады. Биылғы бәсекеге 31 елден 338 боксшы (209 ер, 129 әйел) қатысады.

Жеребе қорытындысы бойынша қазақстандық боксшылардың алғашқы қарсыластары төмендегідей:

50 келі (13 боксшы)

1/8 финал:

• Бекзат Алдамжаров – Асылбек Жалилов (Өзбекстан, 2024 жылғы Азия чемпионы)

1/4 финал:

• Даниал Сәбит – Улас Ялчинкая (Түркия)

55 келі (23 боксшы)

1/16 финал:

• Бағлан Кенжебек – Ниджат Гусейнов (Әзербайжан, Париж Олимпиадасының қатысушысы, U22 санатында екі дүркін Еуропа чемпионы)
• Тимур Қабдешов – Пэтси Джойс (Ирландия, 2025 жылғы әлем чемпионатының қола жүлдегері)

60 келі (29 боксшы)

1/16 финал:

• Руслан Күзеубаев – Салим Эллис Бей (АҚШ чемпионы, 20 жеңістен тұратын сериямен келе жатыр)
• Жексен Бейбарыс – Лундаа Гантумур (Моңғолия, 2022 жылғы Азия чемпионатының қола жүлдегері)

Келесі айналымда Жексен Бейбарыс әлем чемпионатының күміс жүлдегері Луис Оливейрамен (Бразилия) кездесуі мүмкін.

65 келі (25 боксшы)

1/16 финал:

• Әбдіғалым Әбдікәрім – Абдуллох Мадаминов (Өзбекстан, Ислам ойындарының жеңімпазы)
• Илья Калинин – Заур Кахраманов (Әзербайжан)
• Ертуған Зейнуллинов – Джейсон Невин (Ирландия)

Калинин келесі кезеңге өтсе, әлем чемпионатының күміс жүлдегері Юри Фалькаомен (Бразилия) жұдырықтасуы ықтимал.

70 келі (27 боксшы)

1/16 финал:

• Фарух Тоқтасынов – Арсен Чабиан (Армения)
• Мұхаммедсабыр Базарбайұлы – Абдулазиз Журакулов (Өзбекстан, 2024 жылғы жастар арасындағы әлем чемпионы)

Тоқтасынов келесі айналымда әлем чемпионатының қола жүлдегері Байрамдурды Нурмухаммедовпен (Түркіменстан) кездесуі мүмкін.

80 келі (27 боксшы)

1/16 финал:

• Диас Молжігітов – Робби Гонзалес (АҚШ, 2021 жылғы әлем чемпионы)
• Санжарали Бегалиев – Кауэ дос Сантос Белини (Бразилия)

Бегалиев келесі кезеңге өтсе, әлем чемпионы Жавохир Умматалиевпен жолығуы ықтимал.

85 келі (16 боксшы)

1/8 финал:

• Сұлтанбек Айбарұлы – Саба Квиникадзе (Грузия)
• Бекзат Таңатар – Паоло Карусо (Италия)

Айбарұлы ширек финалға шыққан жағдайда әлем чемпионы Акмалжон Исроиловпен (Өзбекстан) кездесуі мүмкін.

90 келі (20 боксшы)

1/16 финал:

• Дәулет Төлемісов – Семён Болдырев (Болгария)

1/8 финал:

• Нурмагамед Юсупов – Коннор Уильямс (Уэльс)

+90 келі (17 боксшы)

1/8 финал:

• Нұрлан Сапарбай – Даниал Сапарбай

Осылайша, қазақстандық былғары қолғап шеберлерін алғашқы кезеңнен бастап тартысты айқастар күтіп тұр. Турнир қорытындысы бойынша спортшылар рейтингтік ұпайлар мен халықаралық аренадағы маңызды тәжірибе үшін сынға түседі.