Александр Усик Рико Верхувенді 11-раундта нокаутпен жеңді (ВИДЕО)
Он раундтың нәтижесінде нидерландтық боксшы басым болған
Мысырда жылдың басты спорттық оқиғаларының бірі мәресіне жетті. Кәсіпқой бокстан аса ауыр салмақтағы украиналық Александр Усик нидерландтық Рико Верхувенмен жұдырықтасып, 11-раундта нокаутпен жеңіске жетті.
Айта кетейік, Усиктің бұл – кәсіпқой рингтегі 25-ші жекпе-жегі. Украиналық боксшы оның бәрінде жеңіске жеткен, 16-сы нокаутпен. Ал, 37 жастағы Верхувен болса негізінен кикбокс спортының өкілі. Ол кәсіпқой бокста небәрі екінші жекпе-жегін өткізіп отыр. Бұған дейінгі дебютінде нокаутпен жеңіске жеткен болатын.
Аса ауыр салмақта өткен кездесуде WBC тұжырымының белбеуі сарапқа салынды. Яғни, Усик осынау титулын қорғады. Жекпе-жек 12 раундқа жоспарланып, 11-раунд аяқталар тұста төрешінің араласуымен тоқтатылды.
Айта кету кету керек, он раунд бойы Верхувен Усикті тығырыққа тіреп, ұпай саны бойынша әлдеқайда озып кеткен болатын. Ал, 11-ші раундта нидерландтық боксшы шаршағанын білдіргені сол екен, тәжірибелі қарсыласы оны ринг арқанына тақап қойып тоқтаусыз сабады. Рефери матчты тоқтатып, техникалық нокаут тіркеді.