Жанқош Тұраров желтоқсанда Танзания боксшысымен жекпе-жек өткізеді

Қазақстандық кәсіпқой боксшы Жанқош Тұраров (27-0, 20 KO) желтоқсанда кезекті жекпе-жегін өткізбек. Орта салмақта өнер көрсететін жерлесіміз Алматыда ұйымдастырылатын бокс кешінде өзінің IBO чемпиондық белбеуін қорғайды. 

Жерлесімізге қарсылас ретінде рингке танзаниялық боксшы Ибрагим Класс Мгендер (30-6, 14 KO) шығады. Ол кәсіпқой бокс әлемінде аса танымал болмағанымен, Африкада оның есімі көпке мәлім. Боксшы АҚШ, Германия және Панама елдерінде де жұдырықтасқан.

Ал, Жанқош Тұраров болса көктемнен бері шаршы алаңға шыққан жоқ.