Қазақстанның ең мықты кәсіпқой боксшысы қарашада Ташкентте жекпе-жек өткізеді

WBO ұйымының 2023 жылғы ең үздік боксшысы атанған Мейірім Нұрсұлтанов (19-0, 11 KO) жиырмасыншы жекпе-жегін Ташкентте өткізетін болды деп жазады 1bol.kz.

17 қарашада Нұрсұлтанов Өзбекстан астанасында неміс Винцент Файгентбутцпен (39-3, 32 KO) жұдырықтасады. Бұл жекпе-жектің жеңімпазы орта салмақта WBC чемпионы атағына үміткер болады.

Айта кетейік, биыл желтоқсан айында Қазақстанның өзге де кәсіпқой боксшылары кезекті жекпе-жектерін өткізеді. Мәселен, Жанқош Тұраров танзаниялық боксшымен өзара мықтыны анықтаса, Қанат Исламның қарсыласы енді белгілі болады.

Ал, Мейірім Нұрсұлтанов болса BoxRec.com сайтының нұсқасы бойынша Қазақстанның ең үздік боксшысы болып саналады.