Литвада өтіп жатқан турнирде Қазақстанның 10 боксшысы жартылай финалға шықты

Бүгін Литваның Каунас қаласында өтіп жатқан Альгирдас Шоцикас атындағы халықаралық турнирдің жартылай финалдық жекпе-жектері өтеді. Бұл кезеңде Қазақстанның 10 боксшысы бар.

Атап айтқанда, Даниял Сәбит (51 кг), Асылжан Серікбай (57 кг), Алмат Әбдуәли (60 кг), Жандос Қыдырәлиев (63,5 кг), Елнұр Сүйінбай (67 кг), Фарух Тохтасынов (71 кг), Азамат Бектас (75 кг), Тұрсынбай Құлахмет (80 кг), Абзал Құттыбеков (86 кг), Аманат Сабырғали (+92 кг) финалдық жолдама үшін айқасатын болады.

Ал, 57 келідегі боксшысымыз Нұрсұлтан Алтынбек командаластарын финалда күтіп тұр.

Жартылай финал жекпе-жектері Қазақстан уақытымен 22 наурызда сағат 19:00-де басталады.