Хасанбой Дусматов беларусь боксшысымен жұдырықтасып жатқанда қолғабы ұшып кетті (ВИДЕО)
Соған қарамастан ол қарсыласын еш қиындықсыз жеңді
Өзекстандық әйгілі боксшы, Олимпиада және әлем чемпионы Хасанбой Дусматов Ресейде өтіпи жатқан халықаралық турнирдің финалына шықты.
Айта кету керек, 51 келіде өнер көрсететін Дусматов бұл жарысқа 54 келіде қатысып жатыр. Соған қарамастан ол қарсыластарын еш қиындықсыз жеңіп, ақтық сынға жолдама алды.
Жарыстың жартылай финалында өзбек боксшысы Беларусь елінен келген Денис Солоцкихпен кездескен. Жекпе-жек кезінде Хасанбойдың қолындағы былғары қолғабы ұшып кетті. Оны қайта киюге біршама уақыт жоғалтты. Кездесу нәтижесінде төрешілер жеңісті бір ауыздан Дусматовқа берді.
Айта кетейік, Өзбекстанның Олимпиадаға баратын құрамасы Астанада өтіп жатқан «Елорда кубогіне» келуден бас тартты. Есесіне Тулкин Киличев шәкірттері Ресейде дайындығын шыңдап жатыр. Олар толық құрамда Париж Олимпиадасында өнер көрсетеді.