Усик Әлімханұлына қолдау көрсетіп, кеңес берді
Жәнібек Әлімханұлы кезекті жекпе-жегін биыл 13 маусымда өткізеді
Қазақстандық боксшы Жәнібек Әлімханұлы (15-0, 10 КО) әлеуметтік желіде украиналық Александр Усикпен (22-0, 14 КО) кездесуінен фотосурет салды.
Усик Әлімханұлы жаттығып жатқан Лас-Вегастағы залға арнайы барған.
«Көргеніме қуаныштымын, бауырым. Спаррингке келіп, қолдау көрсеткеніңе рахмет. Құнды кеңесің үшін алғыс айтамын», – деп жазды Әлімханұлы.
Александр Усик – аса ауыр салмақта абсолютті әлем чемпионы. Ол британиялық Тайсон Фьюриді (34-1-1, 24 КО) жеңіп, дивизиондағы барлық белбеудің басын біріктірді. Ал реванш биылғы қазан айында өтуі тиіс.
Ал Жәнібек Әлімханұлы – орта салмақта WBO және IBF нұсқалары бойынша әлем чемпионы.
Айта кетейік, Жәнібек кезекті жекпе-жегін 13 шілдеде өткізеді. Бұл жолғы қарсыласы – Жаңа Зеландия атынан шығып жүрген ресейлік Андрей Михайлович. Ол – IBF тұжырымы бойынша чемпиондық атаққа міндетті үміткер.