Аралас жекпе-жекте жолы бола қоймаған Қуат Хамитов кәсіпқой бокста жеңіске жетті

Аралас жекпе-жек шебері Қуат «Найман» Хамитов алғаш рет кәсіпқой бокста бағын сынап, дебюттік жекпе-жегін жеңіспен бастады. Алматыда өткен Allstar Boxing кешінде Хамитов тағы бір отандық файтер Нұрберген Шәріппен шаршы алаңға шыққан болатын.

Алты раундқа жоспарланған жекпе-жек нокаутсыз, яғни аяғына дейін жалғасты. Төрешілер шешімімен «Найман» жеңіске жетіп отыр. Оған WBC ерген арнайы чемпиондық белбеу табысталды.

Еске салайық, Қуат Хамитов аралас жекпе-жектегі соңғы кездесуін биыл мамыр айында Ресейде өткізген болатын. Ол танымал файтер Александр Шлеменкомен төбелесіп, төрешілер шешімімен жеңілді. Жалпы, қазақ файтерінің еншісінде 26 жеңіс, 8 жеңіліс және бір тең ойын бар.