Жәнібек Әлімханұлы үш белбеуі бар боксшымен жекпе-жекке байланысты анонс жариялады

Кәсіпқой бокстан орта салмақта WBO/IBF нұсқалары бойынша әлем чемпионы Жәнібек Әлімханұлы (16-0, 11 КО) британиялық Хамза Ширазбен (21-0, 17 КО) Х желісінде алдағы өтуі мүмкін жекпе-жекке қатысты анонс жасады.

Отандасымыз Хамза екеуінің фотосуретін жариялаған.

«Жақында, әлде қалай?», - деп жазды Әлімханұлы.

Айта кетейік, Хамза Шираз Жәнібек Әлімханұлы иелік ететін WBO белбеуіне үміткер. Екі тарапқа келісуге 23 қазанға дейін уақыт берілді. Шираз – WBC Silver, EBU Еуропа чемпионы және бокс кеңесінің Достастық белбеуінің иегері. Әлімханұлы соңғы жекпе-жегінде жаңазеландиялық боксшы Андрей Михайловичті (21-1, 13 КО) тоғызыншы раундта нокаутқа түсірді.