Жәнібек абсолютті әлем чемпионы атана алады – Дензел Бентли
Жәнібек Әлімханұлының қарсыласы пікір білдірді
Британдық боксшы Дензел Бентли өзінің бұрынғы қарсыласы, WBO/IBF орта салмақтағы әлем чемпионы Жәнібек Әлімханұлының өз салмақ дәрежесіндегі барлық негізгі титулдарды жеңіп алуға қауқарлы екенін айтты.
«Жәнібек дивизиондағы барлық белдікті біріктіріп, абсолютті әлем чемпионы атана алады, бірақ мен оны шыңдалып жатыр деп ойламаймын. Шынымды айтсам, қазір жалпы орта салмақта мүмкіндік көп, алайда бұл дивизионның көшбасшысы Жәнібек екені айқын. Жәнібекте төрт белдіктің екеуі бар. Бірақ орта салмақ бос тұр», — деді Бентли Boxingscene.com сайтына берген сұхбатында.
Орта салмақтағы WBC әлем чемпионы титулы доминикандық Карлос Адаместе, ал WBA нұсқасы бойынша белдік кубалық боксшы Эрисланди Ларада.
Айта кетейік, 2022 жылы қазақстандық боксшы Жәнібек Әлімханұлы (13-0, 8 КО) британиялық Дензел Бентлимен (17-2-1, 14 КО) 12 раундтық жекпе-жек өткізген еді. Төрешілер шешімімен жеңіс Жәнібек Әлімханұлына берілді. Бұл оның 12 раундқа созылған алғашқы жекпе-жегі.