Қазақстандық боксшы World Boxing чемпионатында қарсыласын нокаутқа түсірді
28.10.2024, 17:40
Асылхан Көшербай әлем чемпионатының ширек финалына жолдама алды
Видеодан кадр
28 қазан күні АҚШ-тың Колорадо штаты, Пуэбло қаласында қазақстандық боксшы Асылхан Көшербай тарихта тұңғыш рет ұйымдастырылған World Boxing U-19 әлем чемпионатындағы алғашқы жекпе-жегін өткізді.
65 кг салмақ дәрежесінде 1/8 финал кезеңінде Асылхан Көшербай Чехиядан келген Симон Стожкамен кездесті. Бірінші раундта чехиялық боксшы екі рет нокдаунға түсті, сондықтан төреші жекпе-жекті тоқтатуға мәжбүр болып, жеңісті қазақстандық боксшыға берді.
Ширек финалда Асылхан Көшербай АҚШ өкілі Месиа Нимомен жекпе-жек өткізеді.