Украиналық танымал боксшы қайтыс болды
Жуырда ғана оның жүрегіне ота жасалған еді
Украинаның танымал боксшысы болған Вячеслав Узелков 46 жасына қараған шағында қайтыс болды. Бұл туралы Украина бокс федерациясының басшысы Владимир Продивус мәлімдеген.
«Досымыз және әріптес болған Вячеслав Узелковтың қазасын ауыр қабылдадым.
Бүгін Украина боксы орны толмас қазаға тап болды. Вячеслав тек даңқты боксшы болған жоқ, ол сондай-ақ жүрегі кең адам болды, әрдайым жұмысын толықтай беріліп істейтін.
Оның жеңіске деген жігерін, рухын, қайсарлығын ешқашан ұмыта алмаймыз. Вячеслав көптеген жас боксшыға үлгі бола білді және Украина боксына адал қызмет етті.
Әрдайым есіміздесің, Слава», - деп жазды Продивус.
Айта кетейік, биыл наурыз айында Узелковтың жүрегінде және қан тамырында тромб анықталған болатын. Сондай-ақ, оның аяғында гангрена болған. Сәуір айында жүрегіне ота жасалып, содан бері оңалтудан өтіп жатқан.
Вячеслав Узелков кәсіпқой бокста жартылай орта салмақта WBA Inter-Continental, IBO International және WBO Inter-Continental нұсқалары бойынша чемпион болған.