Ұйғырдың тойында билеген Назым Қызайбай қыруар ақшаға ие болды (ВИДЕО)
Той иелері мен қонақтар оның биіне тәнті болды
Париж Олимпиадасының қола жүлдегері – боксшы Назым Қызайбай ұйғыр ағайындардың тойында қонақта болып, ерекше биімен көпшіліктің көзіне түсті.
Ұйғыр тақиясын киіп, бірнеше ер адаммен кезек-кезек билеген белгілі боксшыға олар құрмет ретінде ақша берген. Той иелері мен қонақтардың Назымның биіне тәнті болғанын аңғару қиын емес.
Әлеуметтік желі қолданушылары да Назым Қызайбайдың тек дарынды боксшы ғана емес, өнерден де кенде емес екенін жазуда. Есте болса, бұған дейін де Назымның тойдың сәнін келтіріп билеген видеосын жариялаған болатынбыз.
Назым Қызайбай бокстан 50 келіде Париж Олимпиадасында қола жүлде иеленген болатын. Қазақ әйелдер боксында есімі ерекше аталатын спортшы бұған дейін әлем чемпионатында екі мәрте қола жүлде иеленген еді.