World Boxing ұйымы салмақ дәрежелерін жариялады
Әр салмақтың аралығы бес келіні құрайды
Әуесқой бокстан жаңадан құрылған World Boxing ұйымы салмақ дәрежерін бекітті. Жаңа қауымдастық өткізетін жарыстарға өнер көрсететін боксшылар ІВА-дағы салмақ дәрежелерінде сынға түседі.
Мәселен, IBA-да 13 салмақта жүлде үлестірілсе, World Boxing ұйымы небәрі 10 салмақта ғана үздіктерді анықтамақ. Бұл ретте боксшылар 50, 55, 60, 65, 70, 75, 80, 85, 90, +90 келіде ғана жұдырықтасатын болады.
Ал ІВА 48, 51, 54, 57, 60, 63,5, 67, 71, 75, 80, 86, 92, +92 салмақ дәрежелерінде үздіктерді анықтап жүр.
Қазақстан жақында ғана World Boxing ұйымына мүшелікке қабылданды. Сонымен бірге, бұл қауымдастыққа Орталық Азия аймағынан Қырғызстан мен Өзбекстан бокс федерациялары да енген болатын. Әзірге еліміздің бокс федерациясының ІВА құрамынан шығатыны туралы ақпарат айтылмады.
Айта кететін жайт, Қазақстан бокс құрамасы 30 қарашада Таиланда ІВА-ға қарасты Азия бокс қауымдастығы өткізетін Азия чемпионатына қатысады.