Бетербиев пен Бивол реваншының уақыты белгілі болды
Алғашқы жекпе-жекте Бетербиев жеңіске жеткен
БАҚ-та жартылай ауыр салмақта абсолютті әлем чемпионы Артур Бетербиев пен Дмитрий Бивол арасында өтетін реванш уақыты туралы ақпарат жария болды.
2025 жылғы 22 ақпанда Сауд Арабиясында The Riyadh Season бокс кеші өтеді. Оны Сауд Арабиясының көңіл көтеру басқармасының төрағасы Турки Аль аш-Шейх ұйымдастырады. Журналист Дэн Рафаэльдің мәліметінше, бұл турнирде бірқатар айқас өтеді, олардың арасында Артур Бетербиев пен бұрынғы чемпион Дмитрий Бивол жекпе-жегі бар.
«Дереккөздер The Riyadh Season шоуына даярлық жайлы айтты, соның ішінде Артур Бетербиев пен Дмитрий Бивол реваншы да бар», - деп жазды ол өзінің жаңалықтар парақшасында.
Артур Бетербиевтің Дмитрий Биволмен бұған дейінгі кездесуі 13 қазан күні Эр-Риядта (Сауд Арабиясы) өткен. Бұл айқаста төрешілердің басым дауысымен Артур Бетербиев жеңіске жетті, дегенмен мұндай қорытынды көпшілік тарапынан дау туғызды. Спортшылардың арасында Биволдың жеңісін ұрлады деп санайтындар көп. Алайда, боксшының өзі төрешілер шешімімен дауласпайтынын, жаттығуын әрі қарай жалғастыратынын айтқан.