Жәнібек Әлімханұлымен жекпе-жектен бас тартқан екі боксшы рингте кездеседі
Карлос Адамес чемпиондық атағын қорғайтын болды
WBC версиясы бойынша орта салмақтағы әлем чемпионы, доминикандық Карлос Адамес (24-1, 18 КО) Ұлыбританиялық Хамза Ширазбен (21-0, 17 КО) жекпе-жек өткізеді.
Саудиялық бокс функционері Турки әл-Аш-Шейхтің ақпаратына сәйкес, Адамес пен Шираз арасындағы жекпе-жек 22 ақпанда Сауд Арабиясының Эр-Рияд қаласында өтетін үлкен бокс кешінің бір бөлігі болмақ. Кештің басты оқиғасы – жартылай ауыр салмақтағы абсолют чемпион атағы үшін ресейліктер Артур Бетербиев пен Дмитрий Бивол арасындағы реванш жекпе-жегі.
Айта кету керек, Хамза Шираз бастапқыда қазақстандық Жәнібек Әлімханұлы (16-0, 11 КО) сияқты WBO/IBF белбеуінің чемпионына үміткер қарсылас болған еді. Алайда, промоутер Фрэнк Уоррен британдық боксшыны Адамеске қарсы шығару туралы шешім қабылдады. Ал Карлос «Қазақ стилімен» әлеуметтік желілерде үнемі пікір алмасып, жекпе-жек келісімшартын жіберуді талап етіп жүр.