«Келесі кезек сенде». Жәнібек Әлімханұлын қандай айқас күтіп тұр
Жәнібек Адамес пен Шираздың қай жеңгенімен кездесуі мүмкін
Орта салмақта WBO/IBF нұсқалары бойынша әлем чемпионы Жәнібек Әлімханұлын жаңа жылда нағыз чемпиондық айқас күтіп тұрған тәрізді. Бүгінгі кәсіпқой бокс әлеміндегі ең ықпалды тұлға солай деп отыр.
Сауд Арабиясының ойын-сауық істері жөніндегі басқармасының басшысы Турки әл аш-Шейх әлеуметтік желіде Әлімханұлын белгілеп, келесі кезек Жәнібекте екенін айтты.
Қазіргі уақытта Туркидің ведомствосы осы елде өтіп жатқан барлық спорттық және өзге іс-шараларды қадағалайды.
Турки 22 ақпанда Эр-Риядта өтетін үлкен бокс кешінің аңдатпасына арналған жазбада Жәнібекті белгілеген. Өздеріңіз білетіндей, бұл күні Карлос Адамес пен Хамза Шираз WBC белбеуіне таласса, кештің басты жекпе-жегінде Артур Бетербиев пен Дмитрий Бивол реванш өткізеді.
Соған қарағанда, Жәнібек Адамес пен Шираздың қай жеңгенімен кездесуі мүмкін.