«Ақыннан бата алдым»: Жеңіске жеткен Сұлтан Зауырбек Мұхтар Шахановпен кездесті

Қазақстан кәсіпқой боксшы Сұлтан Зауырбек белгілі ақын Мұхтар Шахановтан бата алғанын мәлімдеді.

Спортшы сапарға шығар алдында әуежайдан еліміздің «Халық жазушысын» көріп қалып, арнайы сәлем бергенін жеткізді. Бұл туралы спортшы ресми парақшасында бейнежазба жариялады.

«Аңыз адам! Атамыз батасын беріп, ақылын айтты», - деді боксшы.

Қазақстандық Сұлтан Зауырбек (18-0, 13 КО) екінші жартылай жеңіл салмақта өнер көрсетеді. Ол 7 желтоқсан күні Ирландияның Уотерфорд қаласында төрешілер шешімімен польшалық Дамиан Вржесинскиді (28-3-2, 7 КО) жеңіп, WBA Continental белбеуін сәтті қорғаған болатын.