Данияр Елеусінов батыл мәлімдеме жасады
Ол кез келген чемпионмен дәл қазір рингке шығуға дайын екенін айтып отыр
Қазақстандық боксшы Данияр Елеусінов (12-0, 7 КО) өзін жартылай орта салмақтағы әлем чемпиондарымен салыстырды.
«Менеджерлеріммен қателіктер болғаны рас. Бірақ шын мәнінде дәл қазір мен ешбір әлем чемпионынан кем емеспін. Кез келген танымал боксшыны алсақ та. Тек олар көбірек танымал, бар-жоғы сол. Егер шаршы алаңға шығатын болса, онда олар оп-оңай... Керісінше, мен оларды жеңіп аламын. Өз-өзіме сенімдімін, себебі олардың қандай екенін көрдім. Қазір кез келгенін айқасқа шақырар едім. Күшім де, тәжірибем де жеткілікті. Кроуфорд болсын, Эннис болсын... Қай-қайсысымен де жұдырықтасуға дайынмын», — деді Елеусінов.
Айта кетейік, Данияр Елеусінов бұған дейін жартылай орта салмақта IBO нұсқасы бойынша әлем чемпионы болған. Ал, әуесқой бокста ол 2016 жылы Рио Олимпиадасының жеңімпазы атанған.