Бокстан Қазақстан чемпионатының барлық финалисі анықталды

Қарағандыда бокстан Қазақстан чемпионатының жартылай финалдық айқастары аяқталып, біріншіліктің барлық финалисі анықталды.

Ерлер арасында алтынға таласатын жұптар:

48 кг. Теміртас Жүсіпов – Нұрзат Оңғаров

Теміртас Жүсіпов өзі бақ сынаған 9 ел біріншілігінде финалға шықса, соның екеуінде – 2012 жылы Біржан Жақыповтан, 2019 жылы Даниял Сәбиттен жеңілген. Бұл жолы ол Нұрзат Оңғаровпен кездеседі.

51 кг. Даниял Сәбит – Бекзат Алдамжаров

Даниял Сәбит аянып қалмай, өзінің финалға лайық боксшы екенін дәлелдеп бақты. Ал Бекзат Алдамжаровпен айқаста жеңісті жұлып ала ала ма, оны уақыт көрсетеді.

54 кг. Тимур Қабдешов – Бағлан Кенжебек

Бұл салмақтың үздігі Тимур Қабдешов пен Бағлан Кенжебек арасында анықталады. Нағыз тартысқа толы айқас болмақ.

57 кг. Дәулет Молдашев – Асылжан Серікбай

Қазақстан чемпионы Ерболат Сабыр өз атағын қорғай алмай, Дәулет Молдашевке есе жіберді. Енді Дәулет Асылжан Серікбаймен жұдырықтасады.

60 кг. Серік Теміржанов  –  Талғат Сырымбетов

Құраманың белді мүшесі Серік Теміржанов пен Талғат Сырымбетов осымен үшінші рет кездеседі.

63.5 кг. Жандос Қыдыралиев – Ертуған Зейнуллинов

Жандос Қыдыралиевтың Алмат Әбдуәлімен айқаста мұрны мен қабағы қанады. Сөйте тұра табандылық танытты. Енді Ертуған Зейнуллиновтің әуселесін байқап көреді.

67 кг. Төрехан Сабырхан – Санатәлі Төлтаев

Жас та болса өзін дәлелдеп үлгерген Төрехан Сабырхан финалда Санатәлі Төлтаевпен жұдырықтаспақ. Қызықты жекпе-жек күтіп тұр.

71 кг. Сабыржан Аққалықов – Фарух Тоқтасынов

Сабыржан Аққалықов финалға еш қиындықсыз жетті, ал Фарух Тоқтасынов қайсар мінезінің арқасында алтынға таласуға мүмкіндік алды.

75 кг. Нұрқанат Райыс – Тимур Нұрсейітов

Нұрқанат Райыс пен Тимур Нұрсейітовтің қайсысы ел чемпионы атанар екен...

80 кг. Дәулет Төлемісов – Азамат Бектас

Қабағы жарылған Дәулет Төлемісов қарсыласын нокдаунға жіберді. Енді Азамат Бектаспен өзара кім мықтыны анықтайды.

86 кг. Темірлан Мұқатаев – Бекзат Таңатар

Темірлан Мұқатаев пен Бекзат Таңатар да алтын үшін аянып қалмасы анық.

92 кг. Данияр Рахымбердинов – Нұрмағамбет Юсупов

Алматылық Данияр жеңімпаз атағын қарағандылық Нұрмағамбет Юсуповпен сарапқа салады.

92+ кг. Нұрлан Сапарбай – Даниял Сапарбай

Нұрлан Сапарбай сенімді түрде финалға шықты. Енді ақтық сын ағайынды Сапарбайлардың арасында өтпек.

Әйелдер арасында финалға шыққан боксшылар:

48 кг. Назым Қызайбай  –  Ақбота Болат

50 кг. Алуа Балқыбекова – Гүлнар Тұрапбай

52 кг. Анита Адишева – Жансая Рахымберды

54 кг. Жайна Шекербекова – Элина Базарова

57 кг. Карина Ибрагимова – Айдана Забынбекова

60 кг. Римма Волосенко – Анар Тұрсынбек

63 кг. Аружан Жаңабаева — Лаура Есенгелді

66 кг. Жасмин Қизатова – Ұлдана Таубай

70 кг. Бақыт Сейдіш – Мәдина Нұршаева

75 кг. Валентина Хальзова – Анастасия Баязитова

81 кг. Надежда Рябец – Жібек Жарасқызы

81 + кг. Дина Исламбекова – Ләззат Күнгейбаева

Финал 24 желтоқсанда өтеді.