Мұратбек Қасымбай ирандық қарсыласын реваншта да жеңе алмады
Екеуі алғаш рет 2020 жылы ММА ережелері бойынша кездесу өткізген
Алматыда кәсіби бокс кеші өтіп, басты айқаста «Қазақстандық терминатор» лақапатымен танымал қазақстандық Мұратбек Қасымбай мен ирандық Мохаммад Хейбати арасында реванш өтті.
Алғашқы раундта қарсыластар соққы алмасып, тең дәрежеде бокстасты.
Екінші және үшінші раундтар да осы қарқынмен жалғасты. Соққылар бір-біріне тиіп жатқанымен, жанкүйерлер ауыр соққы көрген жоқ.
Негізі кездесу төрт раундқа есептелген. Соңғы бөлікте Хейбатидің қабағы жарылды, осыдан соң қазақстандық сенімді түрде алға шығатын шығар деген үміт болған. Алайда төрешілер жеңімпазды анықтай алмай, тең нәтиже деп тіркеді.
Айта кетейік, екеуі алғаш рет 2020 жылы ММА ережелері бойынша кездесу өткізіп, Хейбатидің жеңісімен аяқталғанымен, бұл жайт көпшіліктің ашуын туғызған. Жанкүйерлер қазақстандық спортшының жеңісін алып қойды деп санады.