Қуат Хамитов ирандық спортшының ұсынысын қабылдады

Қазақстандық ММА шебері Қуат Хамитов өзін жекпе-жекке шақырған ирандық файтер Мохаммед Хейбатиге жауап берді.

Кеше Алматыда Мұратбек Қасымбаймен тең аяқталған айқастан соң Хейбати Қуат Хамитовке бокс ережелері бойынша кездесу өткізуге ұсыныс жасады.

«Өте жақсы айқас. Керемет өтті. Шақыртуға келсек, сендер алдымен өзара кикілжіңдеріңді шешіп алыңдар, сонан соң келесі турнирде кездесуге болады. Меніңше, екеуміз қызықты жекпе-жек өткізе аламыз. Солай істейік. Егер ұйымдастырушыларға қызық болса, онда 28 ақпанда Астанада керемет шоу өткізейік! Мариф Пираев қандай да бір себептерге байланысты шаршы алаңға шыға алмаса, онда «Парсымен» әдемі айқас өткізе аламыз деп ойлаймын», - деді Хамитов.