Жәнібек Әлімханұлының айқасына қатысты шындық айтылды
Хамза Шираз Жәнібекпен кездесу өткізуге сөз бергені белгілі
Украиналық vRINGe.com сайты 2025 жылы жұрт асыға күтетін кәсіпқой бокстағы үздік 20 айқастың тізімін жасады. Бұл тізімге орта салмақта WBO/IBF чемпионы қазақстандық Жәнібек Әлімханұлының жекпе-жегі де енген.
Әңгіме «Қазақ стилінің» британиялық Хамза Ширазбен өтуі мүмкін айқасы жайлы.
«№14. Жәнібек Әлімханұлы vs Хамза Шираз
Не сарапқа салынады? 72,6 келіде екі титул.
Бұған неліктен орын беріліп отыр? Егер британиялық Шираз шынымен де біз күткендей боксшы болса, онда ол WBC чемпионы Карлос Адаместі титулынан айырады. Сонан соң қазақстандық Әлімханұлымен дивизионның үздігін анықтағанын көргіміз келеді. Дегенмен Riyadh Season әзірге Жәнібекті мүлде байқағысы келмейді. Шираздың өзі де Жәнібекпен кездесу өткізуге сөз берген, бірақ біз Ширазға ештеңе байланысты еместігін білеміз ғой. Хамзаға Крис Юбэнк секілді біреуді тауып бере салуы бек мүмкін...
Өту мүмкіндігі: 1/5», — делінген материалда.